Deuteronomy 25
1Isaraele akali lama nakamba apiyanda pii mende palirasa kote lala parambinyipa kote lenge akali dokome mende doko keta koo paliramopa mendali mee ingyara doko kandara. 2Koo paliramo akali doko kusapeme pyao yano nyinya lao larami ramo dokopa kote singi akali dokome baa lenge kambu yuu kando sinya lapala pyaroko pinya lara. Banya koo piyamo dokona yuu akipare kusapeme pyarama lao soo rolarami. 3Rolapala pyao pao akalisa kisima ingyuo pyapala dee mende konda pyuo pyaa narami. Dokona lao wambunya lenge kambu dokona konda pyuo pyarami dokome baa elya nyera.4Mena bulamakaome witi jingi kambena lao kalyiya kande dokopa kamba doko puu pyakami narami.
Yangonge Kumara Dokona Yulu Pyakamirami
5Anelapo yangongepa lama yuu mendaki dokona palengende mende wane manja nao kumaramopa etenge waiya doko pisira ramo dokopa neta akali mende nyii napala yangonge angi dokomeko yokoya pinya. 6Dopa pyuo nyepala wane mupwa manjirambi doko yangonge kumaramo dokona ikinyingi larami. Dokona lao yangongena panda doko mee isa paa naramopa Isaraele rara dokona mee palyuo puu parami. 7Dopa piramopape yangongeme baa yokoya pyaa narolyamo daa lara ramo doko taonena akali kyawa dupwa kando nambana akalinginya yangonge angi dokome nyii naro letamo lao lamainya. Baame Isaraele rara dokona yangonena ree palu dokona paka karo wai kiso pyambwa naro lapyasa pilyamo, lara. 8Dokopa taonena akali kyawa dupwame nyepengeŋe lao lamairaminyi soo nembo nyii nara ramo 9dokopa enda waiya baa taone akali kyawa dupwa pii minyuo papala akali baa nyii naro laramo dokona kimbu suu doko roko nyepakamipala banya lenge kambu seramo dokona kepakali kyasinyi pisinya lapala lao akali mendeme enda doko nyepala yangongena panda nyuo wane manja naro lao suu pyara ramo doko baa dopa pyuo mango paraŋa lena. 10Akali banya wane manjiramo dupwa akalindena suu kolo nyiyamo dokona wane lao Isaraele wambu dupwame soo nyerami. ▼
Copyright information for
KYC